Inculcando ideas dende a escola

Para a miña segunda entrada decidín empregar estas dúas fichas para explicarlles aos nenos dunha maneira gráfica e sinxela algúns dos perigos aos que están sometidos no ámbito doméstico.

Esta é unha delas e a súa posta en práctica consistirá en contar unha pequena historia na aula explicando a situación da rapaza. Este é  un exemplo do conto que pode acompañar á viñeta.

“María, a nena que vemos na imaxe, está na súa casa e leva na man un vaso de zume. É moi despistada e sen querer tropeza cun dos xoguetes que deixou descoidado no medio do cuarto. A mala sorte fixo que caera ao chan. Os cristais do vaso que lle caeu fixéronlle unha ferida nun dedo, pero enseguida o seu pai co botiquín que ten na casa, curalle a ferida e María queda moi contenta.”

 A reflexión que lle faremos aos nenos sería que teñen que ter coidado e non deben deixar os seus xoguetes tirados, senón que deben recollelos cada vez que os empreguen para que non lles ocorra o que lle pasou á protagonista do conto. 

Por outro lado, tamén lles preguntaremos se alguna vez tiveron alguna experiencia similar e que fixeron en cada caso. Ademáis, sería interesante conciencialos da importancia de ter un botiquín na casa para que dalgún xeito lle transmitan aos seus pais esta idea.

En canto a segunda ficha, consistirá en repartirlle unha a cada alumno/a para que coloreen aqueles obxectos que crean que son perigosos na súa casa.

De este modo, unha vez rematada a actividade iremos comentando cada imaxen e explicaremos brevemente por qué debemos de ter coidado cando vexamos na casa estes utensilios.

CICLO: 2º Ciclo (3-6)

ÁREA DE COÑECEMENTOS: Coñecemento de sí mesmo e autonomía persoal

BLOQUE DE CONTIDOS: Enmárcase dentro do bloque 3 (O coidado persoal) que engloba á identificación dos riscos habituais no seu contorno e utilización deestratexias e recursos adecuados para evitalos e tamén a equilibración da necesaria prevención e o desafío precisos para a exploración e o descubrimento.

CRITERIOS DE AVALIACIÓN:  se manexa os obxectos, útiles e ferramentas precisos para a vida cotiá, se identifica situacións e obxectos perigosos adoptando as precaucións apropiadas en cada caso, se amosa destreza e disposición na exploración de materiais e se se mostra prudente ante os desafíos.

FONTE DE DOCUMENTACIÓN:http://193.146.32.240/tema1112/claroline/document/goto/index.php/Documentos_profesora_M%AA_del_Carmen_Cid_Manzano/Archivos_de_inter%E9s/Unidad_didactica.As%ED_nos_cuidamos._Infantil.pdf?cidReq=O05G110V01_G110301 (Anexos III y V) 

AUTORA: Paula Rodríguez Prado

Da saúde á saúde laboral

Nesta entrada escollín como tema a saúde laboral para ensinar na aula. Falaremos de tipos de cascos, de sinais de perigo e de localización de obxectos perigosos, así como tamén sinalaremos nunha lámina os obxectos que poden ser perigoso na clase. Desta maneira podemos facer entender aos nenos o que pode ser perxudicial para eles e cómo poden darse conta:

• Os tipos de casco

Lévanse á aula varios tipos de casco. Observaranse as características comúns e as diferenciais e os materiais dos que están feitos e os tipos de suxeción que teñen. Podemos deixalos na clase para que poidan poñelo e xogar con eles no rincón do xogo simbólico. Hai que por especial atención na cuestión sexista do traballo e “de quén se pon o casco e vai traballar”.

• Os sinais de perigo

Pódese realizar esta actividad posteriormente a unha visita á obra. Os sinais de perigo están enmarcados nun triángulo de cor amarela co debuxo dentro. Facer sinais de perigo. Dar triángulos e pintar dentro o obxecto de perigo e o fondo amarelo.

• Localización de obxectos perigosos

Pegaremos pegatinas con forma de triángulo e de cor amarelo nos lugares onde se ubican os obxectos da clase que sexan perigosos: punzóns, tixolas, sacapuntas,…

• Descripción de obxectos e o seu uso

Describir coa axuda do alumnado os obxectos que nos parecen que poidan xerar accidentes dentro da clase: tixolas, punzón, lápis, sacapuntas, pinturas, plastilina, pinceis,… Centraremonos en cualidades como: punzante, cortante, afiado, amargo,…; ademais das cualidades físicas destos obxectos.

Sinalar na lámina de obxectos da aula os que poidan ser perigosos.

Ciclo de Ed. Infantil: 2º ciclo da Ed. Infantil (3-6 anos).

Área de coñecemento: Coñecemento de sí mesmo e autonomía personal.

Bloque de contidos: Bloque 3 (O coidado personal) que engloba á identificación dos riscos habituais no seu contorno e utilización de estratexias e recursos adecuados para evitalos e tamén a equilibración da necesaria prevención e o desafío precisos para a exploración e o descubrimento.

Criterios de avaliación/indicadores: Se manexa os obxectos, útiles e ferramentas precisas para a vida cotiá e se identifica situacións e obxectos perigosos adoptando as precaución apropiadas en cada caso, se amosa destreza e disposición na exploración de materiais e se se mostra prudente ante os desafíos.

Fonte de documentación: Unidad_didactica.Así_nos_cuidamos._Infantil.pdf

Quintas Zarraquiños, Laura